Drejtoria Vendore e Kufirit dhe Migracionit Korçë, ka bërë me dije se si pasojë e rritjes sw kurbws sw infektimeve nw vend dhe masave anti-Covid të ndërmarra nga qeveria greke, është shtyrë afati i bllokimit në Pikën Kufitare të Kapshticë, deri në datën 22.02.2021. Në njoftim specifikohet se deri në këtë datë do të jetë i ndaluar kalimi nga Shqipëria drejt Greqisë. Nga ana tjetër, dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamiona mallrash).
Kjo është hera e disatë që autoritet greke shtyjnë bllokimin e Pikës Kufitare të Kapshticës.