Pas imazheve të grindjes Conte-Agnelli në fund të gjysmëfinales së Kupës së Italisë kundër Interit, një video tani është bërë virale me zëvendës presidentin e Juventus, Pavel Nedved dhe Drejtorin e Zonës së Futbollit, Fabio Paratici që janë kapur me arbitrin e Napoli-Juve në kampionat. Protesta të forta të drejtuesve bardhezinj nga tribunat e stadiumit Diego Armando Maradona, por episodi që ndezi zemërimin e të dyve ishte kartoni i dytë i verdhë i munguar ndaj mbrojtësit të të kaltërve Giovanni Di Lorenzo. Për Paratici, siç mund të dëgjohet qartë nga audio e videos (“Të të vijë turp”), faji është i Gianpaolo Calvarese i seksionit Teramo, arbitri i katërt zyrtar i ndeshjes midis të kaltërve dhe bardhezinjve.
Che belle persone che sono Nedved e Paratici, riportano il calcio della Champions ai livelli della terza categoria più becera e ignorante. https://t.co/qwedCNVRNW
— Roberto Dupplicato (@duppli) February 14, 2021
Tani mbetet për t’u parë nëse Gjykatësi Sportiv do të vendosë të ndëshkojë dy drejtuesit e Juves, të cilët janë pezulluar edhe në dhjetorin e kaluar, pas derbit me Torinon, “sepse në mënyrë të përsëritur, nga minuta e 35 e pjesës së dytë, për minuta të tëra, i janë drejtuar nga tribuna me epitete fyes të rënda ndaj zyrtarëve të ndeshjes”.