• |
ide | kryesore

Gjonaj: Reforma në drejtësi nuk preket pa miratimin e ndërkombëtarëve!

-Instant, Arkiva, Lajme, Të fundit

Ministrja e Drejtësisë, Etilda Gjonaj ka akuzuar opozitën për vonesat në reformën në drejtësi. Gjatë një interviste në Klan News, Gjonaj tha se ishte opozita që ka vonuar reformën dhe se shumë shpejt do të zgjidhen edhe 3 anëtarët e Gjykatës Kushtetuese.


“Periudha tranzitore e zbatimit të reformës në drejtësi ishte më e gjatë për shkak të vonesave të shkaktuara nga opozita në miratimin e ligjeve, kundërshtimin në Gjykatë Kushtetuese etj,”


Duke iu referuar akuzave të opozitës se ajo ka qenë një protagoniste në hapat e ndërmarrë nga qeveria për të ndikuar në reformën në drejtësi, Gjonaj u shpreh se çdo hap është marrë me bekimin e ndërkombëtarëve.

“Ne nuk e kemi bllokuar asnjëherë sistemin e drejtësisë, gjatë kohës së zbatimit i kemi dhënë mbështetje të jashtëzakonshme dhe kemi ruajtur pavarsinë. Asnjë pikë e legjislacionit të Reformës në Drejtësi nuk mund të preket pa miratimin e partnerëve ndërkombëtarë që ndjekin reformën hap pas hapi. Reforma në Drejtësi është luftë e papërfunduar dhe është beteja jonë dhe prioriteti ynë edhe për këtë mandat, si garanci për të ardhmen e qëndrueshme të vendit”

Gjonaj po ashtu siguroi se po merren të gjitha masat që procesi i zgjedhjeve të 25 Prillit të jetë shembullor.

“Kodi zgjedhor parashikon në mënyrë eksplicite kush janë institucionet që administrojnë zgjedhjet dhe ato që garantojnë të mos ketë përfshirje të elementëve kriminalë apo abuzime të paligjshme . Nga ana jonë po merren masat që të krijohet një proces shembullor, që të jetë një proces sipas zbatimit të ligjit e Kushtetutës.” tha ajo gjatë një bisede në Klannews.

Disa ligje të Reformës në Drejtësi janë ndryshuar pak ditë më parë në kuvend, pas vakancave të krijuara nga procesi i Vetting-ut.

Projektligjet që kanë marrë miratimin e Kuvendit të gjithë me më shumë se 93 vota preken ligjin për Gjykatën Kushtetuese, Gjykatën e Lartë, prokurorinë, sistemin gjyqësor në përgjithësi përfshirë SPAK-un, por dhe BKH, Kodin e Procedurës Penale e Civile e Kodin Penal. Sa i takon ndryshimeve që iu bënë ligjit të Gjykatës Kushtetuese ndër të tjera parashikohet që kur ka më shumë së një vakancë si parlamentit ashtu dhe Presidentit që kanë të drejtën të zgjedhin anëtarët e kësaj gjykate do të marrin një listë të vetëm me kandidatë të hartuar nga KED.


3 Comments

  1. A c’ti thuash ketij populli te prapambetur qe s’kupton nga reformat e sidomos nga reforma ne

    drejtesi. Populli i pagdhendur ben krahasimin dhe thote si ka mundesi qe per dy vjet u cane malet dhe

    u be Rruga Kombit, u ca mali e u be tuneli i Elbasanit ndersa reforma ne drejtesi dashka disa mandate

    rilindase ? Si ka mundesi qe si cdo gje ne kete bote nuk ka nje afat te percaktuar qarte te mbarimit te

    saj ? Eh popull, popull, ti nuk i din ca gjera prandaj ke mbet popull.

  2. Sa per info Ministria e ku drejton Gjoka renditet si istitucioni i pare per deme ne buxhetin e shtetit dhe keqmenaxhim fondesh sipas KLSH

Lini një Përgjigje

Adresa juaj email s’do të bëhet publike.