Chelsea nën drejtimin e Thomas Tuchel ka filluar të fluturojë përsëri dhe Jorginho gjen rastin të pastrojë rrugën, për më tepër atë të së kaluarës, duke folur për ish-trajnerin e tij Frank Lampard. “Unë do të jem shumë i sinqertë. Mendoj që, duke qenë se ishte një legjendë e klubit, kaloi disa hapa që duhen bërë për të drejtuar në një nivel të lartë,” i tha ai Espn. Erdhi në klubin ku ishte një legjendë, me shumë pak eksperiencë me skuadra të tjera. Mendoj se erdhi shumë shpejt, duke kapërcyer nivelet. Nuk ishte i përgatitur për një punë në atë nivel, kjo është e vërteta”.
Diçka duhet të jetë prishur në marrëdhëniet midis të dyve dhe fjalët e Jorginho e dëshmojnë qartë këtë. Titullar i palëvizshëm në vitin e parë nën drejtimin e Lampard, në sezonin e dytë italo-braziliani ra në hierarki, duke filluar nga stoli në 11 nga 18 ndeshjet e Premier të drejtuara nga trajneri anglez para shkarkimit. Dhe pas muajsh heshtje, tani Jorginho ka shpërthyer, duke përdorur fjalë dhe tone shumë të ashpra ndaj legjendës së klubit londinez.