Jose Mourinho ishte një kujtim i zbehtë në Londër edhe para se të gjente shtëpi në Romë dhe provizori Ryan Mason thjesht po përpiqet të shpëtojë çfarë është e mundshme në këtë finale të sezonit. Me pak fjalë, Tottenham ka nevojë për një trajner të ri për sezonin 2021/22. Profili është ai i një trajneri që di të japë një identitet e të lërë gjurmë në ekipi, në ndjekje të asaj që është bërë nga klubet e tjera fituese në Premier League. Kështu, pas Sarrit dhe Marcelinos (përveç ëndrrës Conte), hipoteza e Gasperinit po bëhet një alternativë e fortë.
Atalanta as nuk dëshiron të dëgjojë për një mundësi të tillë, duke pasur parasysh që Gasp ka një kontratë që e lidh atë me bergamaskët deri në vitin 2023 me një mundësi për një vit tjetër. Nuk ka dyshim, megjithatë, se ideja mund të kënaqë krenarinë e trajnerit zikaltër, për shkak se ka zgjuar interesin e një klubi prestigjioz në kampionatin më të rëndësishëm në botë. Mbërritja në Champions League për dy sezone radhazi (me mundësinë e një të treti) dhe cilësia e një loje unike dhe fituese, i ka bërë Spurs të vlerësojnë situatën rreth Gasp.
Nga këtu, për të parë Gasperinin në pankinën e Tottenham, megjithatë, ka shumë rrugë… Aspekti i prestigjit dhe kapërcimi i konsiderueshëm ekonomik do të ishin tashmë një arsye e mirë për të shqyrtuar hipotezën e Premier. Sigurisht, ekziston pengesa e gjuhës dhe afeksioni për një mjedis në të cilin ai e gjen veten mrekullisht. Me pak fjalë, vetëm një telefonatë e mundshme nga Juventus mund ta zhvendosë atë nga ai që tani është bërë habitati i tij natyror.