Një Chelsea i madh mposhti Real Madrid 2-0 në ndeshjen e kthimit të gjysëmfinales së Champions League dhe u bashkua me Manchester City në atë që do të jetë një finale krejt angleze. Gola vendimtar nga Timo Werner në pjesën e parë dhe Mason Mount tre minuta nga fundi. Por rezultati, i saktë në përmbajtje, nuk shpreh plotësisht atë që është parë në fushë. Chelsea ka humbur të paktën 5 raste për të shënuar, ndërsa Tuchel gjithashtu duhet të falënderojë portierin Mendy, autor i dy pritjeve të jashtëzakonshme ndaj Benzema në pjesën e parë.
Që nga fillimi, Chelsea dha përshtypjen e një freskie dhe reagimi më të madh, ndërsa Real, i cili riktheu në fushë Sergio Ramos dhe Hazard, tregoi vetëm shkëndija të improvizuara, por me cilësi të lartë. Havertz shpenzoi rastet para portës, por ishte i papërmbajtshëm, ashtu si në rastin e golit të Timo Werner (të cilit i ishte anulluar një gol më parë), që shtyu në rrjetë topin pas traversës së goditur në minutën e 28 nga mesfushori. Mendy bëri pjesën e tij dhe rezultoi vendimtar në këtë drejtim: autori i një pritjeje të rëndësishme ndaj Benzema, portieri mbrojti rezultatin në mënyrë fantastike në një goditje të harkuar të sulmuesit francez.
Në pjesën e dytë Chelsea legjitimoi finalen me rastet të shumta të humbura para portës, e duke mos i dhënë praktikisht asgjë një Reali që luftonte për të ndryshuar ritmin dhe për të gjetur hapësira. Edhe sepse Chelsea u konfirmua si një ekip që zotëron një faze mbrojtëse të nivelit të lartë. Londinezët mbyllën llogaritë me një tjetër kundërsulm, të finalizuar nga Mount, por i krijuar nga një rikuperim i bukur i një Kante agresiv ndaj një Ramos krejtësisht jashtë forme. Tani finalja është një punë anglezësh.