Video/ Tirana shënon Kastrioti ikën nga fusha: drejtuesit krutanë tërbohen me arbitrin

Një ndeshje e tensionuar, duke qenë se në lojë është mbijetesa për Kastriotin e Europa për Tiranën, por situata është agravuar në momentin që Tirana ka shënuar golin e avantazhit në “Selman Stërmasi”. Hoxhallari ka realizuar në minutën 77, duke kaluar bardheblutë në avantazh, me një lojtar të krutanëve të dëmtuar. Kaq ka mjaftuar që drejtuesit e Kastriotit të shpërthejnë në akuaza e fyerje për mos respektimin e “Fair–Play”, duke lënë edhe fushën e lojës në shenjë proteste. Është dashur ndërhyrja e policisë që situatë të qetësohej. Kastrioti u tërhoq nga fusha për disa minuta, ndërkohë që ndeshja ka rifilluar.