Ministria e Punëve të Jashtme e Maqedonisë së Veriut ka shpallur një diplomat të ambasadës ruse në Maqedoninë e Veriut ”persona non grata”.
“Ministria e Punëve të Jashtme njoftoi se në bazë të nenit 9 të Konventës së Vjenës për marrëdhënie diplomatike, vendosi të shpallë një diplomat të ambasadës së Federatës Ruse si ‘persona non grata’ në Republikën e Maqedonisë së Veriut”, thuhet në deklaratën e Ministrisë së Punëve të Jashtme.
Më 14 maj 2021, në Ministrinë e Punëve të Jashtme është thirrur ambasadori i Federatës Ruse dhe me këtë rast i është dorëzuar nota e protestës./ATA