Asnjë llogaritje dhe aq më pak ‘biskota’, po natyrisht do të ketë vend për turn over. Roberto Mancini i afrohet ndeshjes së fundit të fazës së grupeve të Euro 2020 me këtë ide. Uellsi vjen në Romë, me 400 tifozë me bileta të tërhequra, por natyrisht do të vijnë shumë më tepër (flitet për pesë mijë), sepse armata e Dragonjve gjithmonë sjell me vete shumë mbështetës, por të kaltrit e Mancinit sigurisht që kanë ndërmend ti japin vlerën e zakonshme futbollit të tyre.
Kjo është gjithashtu shpresa e trajnerit, i cili nuk bën llogaritje se çfarë të bëjë, ndoshta duke humbur dhe duke përfunduar i dyti në grup dhe duke shmangur pjesën e skemës ku ekziston rreziku i gjetjes së Belgjikës dhe Francës. Por disa gjëra nuk janë pjesë e mentalitetit të këtij trajneri falë të cilit Italia nuk di të humbasë dhe është përcaktuar si më e bukura në Kampionatin Evropian “ne sigurisht që jemi njerëz të bukur”, tha me batutë Mancini në konferencë. Dikush me siguri do të duhet të marrë frymë dhe do të ketë vend për të tjerët: si Verratti e Bernardeschi e ndoshta, një mundësi për Belottin.
Uells, Page: “Duam të jemi të parët e grupit”
Rob Page është gati për betejën për të kaltrit: “Italia është shumë e fortë, na bënë shumë përshtypje në dy ndeshjet që luajtën, por ne duam të fitojmë për të arritur vendin e parë në grup”. Tekniku ka shpjeguar edhe atmosferën në dhomën e zhveshjes së Uellsit: “Të qenit në kuotën e 4 pikëve është tashmë një sukses. Me Zvicrën, të cilët janë të fortë, ne shkuam në disavantazh por më pas barazuam ndërsa me Turqinë mund të shënonim edhe 4-5 gola. Jemi të përgatitur për 4-3-3 e Italisë, ata janë të mirë prapa dhe nëse luajnë si në dy ndeshjet e para do të jetë shumë e vështirë, por ne do të japim gjithçka për të fituar, e di çfarë pres nga kjo ndeshje”. Te Uellsi është gjithnjë dualizmi mes portierëve Ëard e Hennessey, por Danny ka shkëlqyer në dy ndeshjet e luajtura dhe duhet të nisë titullar, pjesa tjetër e ekiupit do të jetë ajo e reshtuar deri tani nga Page.
EURO 2020 – GROUP A
18:00 Italy ? – ? Wales
18:00 Switzerland ? – ? Turkey