Pas një viti pa fitues, Topi i Artë 2021 do të jepet më 29 nëntor në Paris. Kjo u njoftua sot nga revista France Football. Më 8 tetor do të zbulohen kandidatët e këtij edicioni të 65-të për Topin e Artë për meshkuj dhe femra. Nuk do të mungojnë Trofeut Yachine, i cili i jepet portierin më të mirë, dhe Trofeu Kopa, i cili ekzalton lojtarin më të mirë nën 21 vjeç.
MEKANIZMI — Për Topin e Artë të meshkujve, një juri prej 180 gazetarësh ndërkombëtarë do të përcaktojë 30 kandidatët. Për trofeun në futbollin e femrave, 50 gazetarë do të zgjedhin 20 kandidatet e përshtatshme. Të 10 të nominuarit për Trofeun Yachine do të përcaktohen nga votuesit e njëjtë me Topin e Artë të meshkujve. Së fundi, 32 ish-fituesit e Topit të Artë do të dekretojnë 10 të nominuarit për Trofeun Kopa.
CERIMONIA — Ceremonia do të mbahet në Théâtre du Chatelet, si në vitin 2019, dhe do të transmetohet drejtpërdrejt në kanalin e L’Équipe. Dy vjet më parë, Lionel Messi kishte fituar Topin e Artë të gjashtë personal. Trofeu për femra shkoi për amerikanen Megan Rapinoe, Alisson Becker rrëmbeu trofeun Yachine dhe Matthijs de Ligt trofeun Kopa. Vitin e kaluar, në të vetmin edicion që trofeu nuk u dha për shkak të pandemisë, Robert Lewandowski do të kishte qenë fituesi i madh e tani rrezikon të jetë njeriu i vetëm që e di zyrtarisht se do të fitonte një trofe, por që nuk e llogarit dot në palmares…