Lilian Thuram kthehet të flasë për racizmin dhe e bën këtë duke marrë një qëndrim mjaft të qartë ndaj Pelé: “Ai është një mit, një kampion i padiskutueshëm – tha ish-mbrojtësi i Juventusit duke folur në Festivalin Sportiv Trento -. Por unë kam gjithnjë kam pyetur veten pse, duke qenë se mundej, nuk përshpejtoi ritmin e ndryshimit të pikëpamjeve të njerëzve për lojtarët me ngjyrë. Me pak fjalë, mund të kishte bërë më shumë dhe e gjithë kjo më provokon pak bezdi”.
Thuram pastaj kaloi më konkretisht te futbolli italian dhe episodet e fundit të racizmit që e kanë prekur atë: “Lojtarët e bardhë dhe trajnerët e bardhë mund të bëjnë shumë – shpjegoi ai -. Nëse nuk bën asgjë, do të thotë që pranon si janë gjërat. Lojtarët duhet të thonë: ‘po ka racizëm në Itali’. E ta thonë sepse e duan Italinë dhe duan të ndryshojnë gjërat. Nëse ti ke një problem, unë duhet të të ndihmoj, nuk është se duhet të pyes më parë nga vini dhe çfarë ngjyre lëkure keni. Kur i bërtet Koulibaly, se është majmun ti bën dhunë, godet jo vetëm atë, por shumë njerëz. Një person duhet të ndihmojë një person tjetër në mënyrë që ata të kenë të njëjtat të drejta”.
Ish-futbollisti, Kampion Bote në 1998 me ekipin kombëtar francez, ka qenë gjithmonë i përfshirë në vijën e parë kundër diskriminimit dhe gjithashtu e kujtoi këtë gjatë fjalës së tij: “Kur mbërrita në Francë isha pak më shumë se një fëmijë, isha vetëm 9 vjeç dhe të gjithë më quanin papastërti e zezë. Atëherë fillova të pyes veten pse ekzistonte racizmi. Për mua ka qenë gjithmonë një angazhim civil, brenda dhe jashtë fushës. Ishte kur luaja, është edhe sot. Kur Jean Marie Le Pen tha se kombëtarja e vitit 1998 nuk ishte franceze sepse kishte lojtarë zezakë, unë u përgjigja se ishte e rëndë që një kandidat për presidencën e Republikës nuk e dinte ndryshimin midis ngjyrës së lëkurës dhe kombësisë. Do ia thosha përsëri”.