Lëkundje sizmike janë ndjerë mëngjesin e kësaj të premteje në Tiranë. Qendra Sizmologjike Europiane-Mesdhetare shkruan se bëhet fjalë për dy tërmete. I pari kishte magnitudë 3.3 të shkallës rihter dhe epiqendra është në Elbasan. Thellësia e këtij tërmeti është vetëm dy kilometra.
Tërmeti i dytë është shënuar në Tiranë. Magnituta e këtij tërmeti ka qenë më e fortë se e para, pasi bëhet fjalë për magnitutë 4.4 të shkallës rihter, ndërsa thellësia 10 km.