Telashe pafund për Benjamin Mendy. Futbollisti i Manchester City, i burgosur në pritje të gjyqit më 24 janar 2022, u akuzua sot për dy përdhunime të tjera, pasi një grua tjetër denoncoi se futbollisti e kishte sulmuar. Në total, janë bërë 6 akuzat për përdhunim dhe një për agresion seksual. Mendy, së bashku me Louis Saha Matturie, i akuzuari tjetër, do të duhet të dalin nesër në gjykatë.
Futbollisti francez, i arrestuar më 26 gusht, deri në daljen e akuzave të reja sot, dyshohej se kishte kryer dhunë seksuale në janar 2021 dhe katër përdhunime, tre ndaj të njëjtës grua në tetor 2020 dhe një kundër një të minorene në gusht 2021. Këto implikime të reja mund të çojnë në një shtyrje të procesit të caktuar për në janar. Mendy u pezullua menjëherë nga Manchester City pasi filloi hetimi nga policia lokale.