Së fundmi është publikuar traileri i ribashkimit të filmit të njohur ‘ Harry Potter’.
Daniel Radcliffe, Emma Watson dhe Rupert Grint do të ribashkohen për specialen ‘Return to Hogwarts’ në ditën e parë të Vitit të Ri, së bashku me aktorët e tjerë kryesorë , të cilët u shfaqën në trailerin që tregon disa ftesa të zgjedhura.Klipi hapet me një imazh të orës së madhe në pjesën e përparme të Hogwarts-it, me gazetën magjike ‘The Daily Prophet’ dhe me një titull të kopertinës së përparme ku lexohet: ‘Hogwarts mirëpret studentët e rikthyer’. Ndërkohë, edicioni i parë i ‘Harry Poter dhe guri filozofik”, u shit në ankand për një shifër prej rreth 74 mijë euro. Bëhet fjalë për një nga 500 kopjet e shtypura në vitin 1997. Nga këto 500 kopje, 300 u janë dërguar shkollave dhe bibliotekave.