Ndërsa pret lëvizjet e ardhshme, Tiago Pinto duhet të fokusohet edhe në merkaton në dalje. Duke filluar nga dy mesfushorët Diaëara dhe Villar, të cilët janë një tepricë që Mourinho do të bënte me kënaqësi pa ta. Por janë edhe dy lojtarë të tjerë që presin të dinë fatin e tyre dhe ata janë Borja Mayoral dhe Marash Kumbulla, për të cilët ditët e ardhshme do të jenë vendimtare.
Mayoral, në fakt, ka kërkuar të shkojë të luajë diku tjetër, gjë që do ta dëshironte edhe Real Madrid, pronar i kartonit të tij. Megjithatë, situata e tij është e lidhur ngushtë me atë të Felix. Nëse sulmuesi i ri verdhekuq do të hiqte dorë realisht nga Kupa e Afrikës, atëherë spanjolli do të kishte dritën jeshile për tu larguar, përndryshe Roma do ta bllokonte, sepse Mourinho nuk dëshiron të rrezikojë të mbetet me pak sulmues deri në mes të shkurtit.
Në anën tjetër, mbrojtësi i kombëtares shqiptare, Kumbulla, është në një situatë të komplikuar: i ardhur si premtim i madh, por me Mourinhon i përfunduar në fund të hierarkive. Shqiptari i pëlqen Fiorentinës, ku me Italianon mund të gjejë hapësira dhe minuta që nuk i ka në Trigoria. Sidoqoftë, ekzistojnë dy kundër-indikacione për shitjen e tij të mundshme. Para së gjithash, ardhja e një qendre tjetër që t’i garantojë Mourinhos të jetë i mbuluar të paktën me minimumin e nevojshëm (duke qenë se po shkohet drejt konfirmimit të mbrojtjes me tre lojtarë edhe për pjesën e mbetur të sezonit). Pastaj është edhe kosto, duke qenë se shqiptari i kushtoi Romës rreth 30 milionë euro, në negociatat komplekse të ngritura me Veronën (ku Cetin, Diaby dhe Cancellieri shkuan si pjesë shkëmbimi). Prandaj largimi i Kumbullës nuk është aspak i lehtë. Edhe pse, nëse do të vinte një ofertë e vërtetë, Roma do ta mendonte. Mjafton të thuhet se jo më vonë se një muaj më parë Mourinho e cilësoi shqiptarin si “mbrojtës i ngadalshëm”. Pak a shumë mjafton për të kuptuar konsideratën e tij për këtë çështje…