Cështja Djokvic tërhoqi vëmendjen e mbarë botës dhe në fund qeveria australiane fitoi, pas vendimit të Gjykatës Federale, e cila dekretoi dëbimin e tenistit serb nga Asutralia, duke i mohuar kështu mundësinë për të luajtur në Australian Open. Një “sukses” që ministri i Imigracionit, Alex Hawke, e priti me kënaqësi. “Politika jonë e kufizimeve ka çuar në një numër të ulët vdekjesh, një rikuperim të fortë ekonomik dhe një nga përqindjet më të larta të vaksinimit në botë. Kjo politikë e mbrojtjes së kufirit ka ruajtur paqen sociale, pavarësisht nga pandemia e zgjatur,” ka shpjeguar ai.
“Australianët kanë bërë sakrifica për të arritur këtu dhe qeveria Morrison është e vendosur të vazhdojë në këtë linjë, ashtu si pret vendi ynë – vazhdoi ai – Në vendin tonë janë administruar 47 milionë doza vaksine, 91,6% e mbi 16 vjecarëve janë të vaksinuar”.