Emocioni i Nagal pas fitores ndaj Bublik tërhoqi vëmendjen e publikut. Sumit Nagal që qendronte me kokën ulur, i mallëngjyer. Vitin e kaluar ai ishte vetëm një pikë e papërcaktuar në renditjen ATP (mbi vendin e 500-të), sot nga vendi i 137-të në renditje mundi Alexander Bublik (numri 27 në botë) me rezultatin 6-4, 6-2, 7-6. Kështu ai arriti në raundin e dytë të Australian Open për herë të parë në karrierën e tij.
Asnjë bashkatdhetar e tij nuk kishte arritur ta bënte këtë që nga viti 1989. Ishte Ramesh Krishnan 35 vjet më parë ai që arriti misionin, duke mposhtur kampionin në fuqi (dhe numrin 1 në atë kohë) Mats Ëilander me rezultatin 6. -3, 6- 2, 7-6.
Është vetëm fitorja e dytë në tabelën kryesore të një Slam për Nagal (e para në 2020). E kjo ka një vlerë të veçantë. Shumë më tepër se suksesi në US Open kundër amerikanit Bradley Klahn dhe kënaqësia që ka marrë një set në edicionin e vitit të kaluar (2019) nga Roger Federer (4-6, 6-1, 6-2, 6-4 ).
Në mënyrën e tij, ai shkroi historinë e tenisit indian dhe ndërkombëtar. Ai është i pari nga vendi i tij që mundi një kokë grupi në një Slam. Një ngjitje e bërë me vendosmëri, stërvitje dhe sakrifica financiare personale.
That’s a big win for @nagalsumit 🇮🇳
He takes out No. 31 seed Bublik 6-4 6-2 7-6(5).#AusOpen • #AO2024 pic.twitter.com/ldM9VE4X0M
— #AusOpen (@AustralianOpen) January 16, 2024
LLOGARIA ISHTE POTHUAJ BOSH
Por ka diçka tjetër që ushqen aspektin përrallor të historisë së tij, si njerëzore ashtu edhe sportive. Nagal fluturoi për në Oqeani me shpenzimet e tij. Tenisti ishte pa sponsorë e pa mbështetjen e Federatës së Tenisit të Indisë. Ajo e ndëshkoi sepse refuzoi të luante Kupën Davis në Pakistan (ai nuk donte të shkonte në atë vend që konsiderohet terrorist). Meqenëse nuk kishte një ëild card (federata indiane as që kërkoi një të tillë), ai duhej të kalonte tre raunde kualifikuese përpara se të hynte në turneun australian.
The first Indian man in 3️⃣5️⃣ years to beat a seed at a Grand Slam 🇮🇳@nagalsumit • #AusOpen • #AO2024 • @Kia_Worldwide • #Kia • #MakeYourMove pic.twitter.com/SY55Ip4JaG
— #AusOpen (@AustralianOpen) January 16, 2024
A mjaftojnë këto detaje për të përshkruar konturet e një historie emocionuese? Jo, mungon ende një. E është ndoshta pjesa më e rëndësishme që plotëson mozaikun e historisë. Të gjitha paratë e fituara deri më tani nga pjesëmarrja në turne janë përdorur nga Nagal për të paguar shpenzimet në mbështetje të karrierës së tij. Deri në atë pikë sa e gjeti veten me vetëm 900 euro në llogarinë e tij bankare. Në vetëm pak orë, në një ditë të vetme, ai fitoi rreth 110 mijë (vlera e çmimit të rrëmbyer në dollarë australianë, 180 mijë).