Në pritje të lajmeve të reja në frontin Dybala, Juventus gjithashtu ka filluar të punojë për të ardhmen e Matthijs de Ligt. Mbrojtësi holandez ka një kontratë që skadon në vitin 2024 dhe një klauzolë lirimi me vlerë rreth 120 milionë euro, por klubi bardhezi dëshiron ta zgjasë marrëveshjen me një vit, në përpjekje për ta mbajtur atë në Torino edhe pak më gjatë, edhe pse janë të vetëdijshëm se do të ishte pothuajse e pamundur t’i thonë jo një oferte të fortë nga jashtë.
Ideja, në thelb, është të mbrohen nga një shitje e ardhshme e 22-vjeçarit nga Leiderdorp ose, edhe më keq, nga një ndarje me parametër zero. Nëse do të ketë një lamtumirë, ajo duhet të jetë në bazë të numrave të rëndësishëm. Për të bindur Mino Raiolën të pranojë rinovimin e të asistuarit të tij, siç raportohet nga Tuttosport, shoqëria do të ishte gjithashtu e gatshme të ulte klauzolën aktuale të lirimit, për ta bërë kartonin e lojtarit më tërheqës. Nga ana tjetër, blindimi i de Ligt me një rritje të mëtejshme page është aktualisht utopi, pasi ai tashmë është lojtari më i paguar në skuadër (8 milionë neto plus bonuse në sezon) dhe shitja e tij mund të jetë mënyra më e lehtë për të arkëtuar para dhe për të financuar sesionet e ardhshme të merkatos.
Një lamtumirë që këtë verë mbetet hipoteza më konkrete, me Barcelonën dhe Chelsea që tashmë kanë avancuar interesimin e tyre, por bardhezinjtë nuk do ta kishin problem ta mbanin për një vit tjetër mbrojtësin e tyre më të mirë, i cili gjithashtu ndihet shumë mirë në Torino dhe tashmë ka marrë një rol kryesor ndër titullarët e Max Allegrit. De Ligt ka munguar vetëm 5 ndeshje për shkak të turnover-it këtë sezon, duke luajtur pothuajse gjithmonë 90′ dhe duke ofruar garanci të mjaftueshme për mbrojtjen, veçanërisht në daljet e fundit. Kjo është arsyeja pse e ardhmja e tij, cilado qoftë ajo, nuk mund të përballet me shumë lehtësi.