Surprizën në Stade de la Beaujoire e ka bërë Nantes, duke mposhtur 3-1 PSG, që ndalet pas katër fitoreve radhazi. Një fillim makth i ndeshjes për skuadrën e Pochettinos: në të 4′, në fakt vendasit kaluan në avantazh me kundërsulmin e finalizuar nga Kolo Muani. Situata u përkeqësua më tej në të 16′, kur Merlin u shërbye nga Bukari dhe i vetëm brenda zonës e dërgoi topin në rrjetë me një të majtë fenomenale. Vendasit nuk u ndalën dhe një prekje me dorë e Wijnaldum shkaktoi penalltinë me të cilën Blas mposhti Navas, duke i cuar shifrat në 3-0. Vetëm dy minuta në pjesën e dytë PSG shkurtoi diferencën me Neymar, por në 58 braziliani hodhi poshtë mundësinë për të hapur ndeshjen në mënyrën më të keqe të mundshme.
PENALLTIA E SHËMTUAR E NEYMAR
Të besuarit e Mauricio Pochettinos zhgënjejnë përsëri nga 11 metra me Neymar që realizoi një nga gabimet më të jashtëzakonshme të penalltisë që është parë në shumë kohë. Ish-lojtari i Barcelonës supozoi paraqitjen e tij tipike nga pika e bardhë, me vrapim të shkurtër, përpara se të vazhdonte të bënte një goditje kaq të dobët dhe qendrore sa që në thelb u duk sikur po ia pasonte portierit. Supozimi ishte se Neymar po priste që portieri i Nantes të hidhej herët dhe u pushtua nga paniku kur nuk pati asnjë lëvizje, por rezultati sidoqoftë ishte katastrofik.
worst penalty ever taken. by Neymar Jr. 💀💀💀 pic.twitter.com/1xWUCnKwtR
— 𝓌𝒶𝓁𝓁𝑒𝒹’ 🎴 (@w__jt0) February 19, 2022
PSG pëson humbjen e dytë në kampionat, por mbetet +13 nga vendi i dytë i Marsejës që megjithatë ka një ndeshje më pak. Nantes, nga ana tjetër, u ngjit në 38 pikë dhe me një sukses kaloi Lille, Lens, Monaco dhe Rennes: skuadra e Kombouare është përkohësisht e pesta së bashku me Lyon.