Kina thyen heshtjen për luftën në Ukrainë. Superfuqia ende po refuzon të dënojë Rusinë për sulmet në Ukrainë, ndërsa ministri i Jashtme kinez vazhdon të mos e quaje agresionin rus, pushtim, shkruan BBC.
Në një konferencë të përditshme në Pekin, zëdhënësi i ministrit të Jashtëm, Wang Wenbin përsëriti qëndrimin e Kinës se ndërsa respekton integritetin territorial të të gjitha vendeve, ajo kupton gjithashtu “shqetësimet legjitime të Rusisë për çështjet e sigurisë”.
Ai shtoi se Kina ende e njeh Ukrainën si një shtet legjitim dhe besonte se dera për një zgjidhje politike ende nuk ishte mbyllur në Ukrainë, por nuk dha sugjerime se si mund të zhvillohet dialogu.
Gjithashtu, ai nuk tha nëse Pekini do të njihte apo jo republikat e vetëshpallura separatiste Donetsk dhe Luhansk në lindje të Ukrainës.
BBC kërkoi një përgjigje ndaj komentit të presidentit amerikan Joe Biden se “çdo komb që përballon agresionin e Rusisë në Ukrainë do të njolloset nga shoqërimi”.
Wang u përgjigj se “vendi, reputacioni i të cilit do të njolloset është ai që ndërhyri në punët e brendshme të kombeve të tjera në emër të të drejtave të njeriut dhe që vazhdoi të zhvillonte luftëra”.
Sa i përket sanksioneve, ai tha se që nga viti 2011, SHBA-të kanë vendosur më shumë se 100 sanksione ndaj Rusisë, por ato nuk kanë funksionuar dhe se sanksionet do të shkaktojnë vetëm vuajtje.