Lajmi për udhëtimin e trajnerit të Barcelonës, Xavi në Mynih, së bashku me Jordi Cruijff, për të vazhduar negociatat për Erling Haaland, gjen konfirmim në fjalët e vetë trajnerit Blaugrana: “Nuk mund të hyj në detaje. E vetmja gjë që mund të themi për sulmuesin norvegjez është se ne po punojmë për të mirën e Barçës në të tashmen dhe të ardhmen. Nëse shpallim diçka, do ta mësoni”. Një e dhënë konkrete se katalanasit po synojnë fort për lojtarin e Borussia Dortmund.
Xavi, më pas, duke iu përgjigjur pyetjes nëse Haaland do të ishte entuziast për të veshur fanellën blaugrana, tha: “Unë nuk njoh askënd që nuk dëshiron të vijë te Barcelona. Të gjithë duan të vijnë. Pastaj janë klauzolat, rrethanat personale, por të gjithë kanë ëndrrën për të ardhur këtu”.