Mijëra qytetarë u tubuan në qendër të Tiranës për gati 4 orë duke kërkuar nga qeveria që të ndërhyjë për të zbutur rritjen “e çmendur” të çmimeve të karburantit dhe mallrave të tjerë ditët e fundit.
Folësit që morën mikrofonin kërkuan një paketë fiskale, në mënyrë që të ndihmohen qytetarët dhe sidomos shtresat me të ardhura të pakta.
Fillimisht protesta u mbajt para kryeministrisë, por më pas qytetarët bllokuan disa nga kryqëzimet kryesore duke ndalur qarkullimin e automjeteve. Në fillim policia e lejoi këtë situatë duke krijuar korridore të tjera kalimi për automjetet.
Nuk munguan edhe momentet e tensionit pas ndërhyrjes së forcave të rendit. Gjithsesi incidentet ishin të pakta dhe më pas protestuesit u shpërndanë.
Ata paralajmëruan se do të mblidhen çdo ditë në orën 17:00 përpara kryeministrisë, ndërsa të shtunën në orën 11:00, do mbahet një marshim masiv që do të nisë nga sheshi “Skënderbej” deri tek kryeministria. ©LAPSI.al
policia alla sorrosiane
I mut i madh ja ca do ndodhi
Mos leviz pa e honger deri ne fund.