Një 62-vjeçar është shpallur në kërkim nga policia, pasi dyshohet se i ka vënë zjarrin pyllit në fshatin Koçanaj të Tropojës. Sipas policisë shtetasi S. M. dyshohet se ka ndezur një zjarr, i cili i ka dalë jashtë kontrollit dhe për pasojë është djegur një sipërfaqe me bimësi dhe pemë (gështenja).
Materialet proceduriale në ngarkim të shtetasit të lartëpërmendur i kaluan Prokurorisë pranë Gjykatës së Shkallës së Parë Tropojë, për veprën penale “Shkatërrimi nga pakujdesia me zjarr i pyjeve dhe i mjedisit pyjor”.