Policët e Los Anxhelosit u panë duke vizituar shtëpinë e Will Smith , dy ditë pasi aktori goditi Chris Rock në skenë gjatë Oscars 2022.
Oficerët u panë duke vozitur në portat e rezidencës Smiths me një makinë patrullimi në orën 14:40. T Lizette Salcon, një zëdhënëse e Departamentit të Sherifit të Qarkut të Los Anxhelosit, tregoi për Page Six se policia mbërriti pasi dikush raportoi një dron që fluturonte nëpër lagje, por nuk konfirmoi nëse aktori bëri ankesën ose një fqinj tjetër.
“Ne sapo e dërguam atë njësi atje për të gjetur vendndodhjen e dronit dhe për të parë nëse kishte një paparac apo çfarë po ndodhte,” tha Salcon, “por kur oficerët arritën atje, ata nuk ishin në gjendje të gjenin dronin. Tashmë ishte larguar nga zona.”
Ndërsa Rock, 57 vjeç, ka vendosur të mos ngrejë akuza, shumë kanë pyetur veten nëse aktori i “King Richard”, 53 vjeç, do të përballej me pasoja ligjore për sulmin fizik të komedianit pas një batute që ai bëri ndaj Jada Pinkett..
“Avokati i qytetit [Los Angeles] mund të ngrejë akuza bazuar në provat pa u mbështetur domosdoshmërisht te viktima,” u shpreh për The Post të martën Steve Cooley, Prokurori i Qarkut të Los Anxhelosit.
“Viktima nuk kontrollon nëse një prokuror duhet të ngrejë apo jo akuza,” vazhdoi Cooley, “Megjithatë, akuzat në të vërtetë mund dhe duhet të ngrihen sepse vepra ishte kundër shtetit të Kalifornisë. Nuk është Chris Rock kundër Will Smith në një çështje penale. LAPD dhe prokurori i qytetit nuk duhet të mbyllin derën për atë që ishte një vepër penale e dukshme dhe është lehtësisht e provueshme.”
Will i kërkoi falje Chris përmes Instagram-it të hënën në mbrëmje, duke thënë: “Shakat janë pjesë e punës, por një shaka për gjendjen mjekësore të Jada-s ishte e tepërt për mua dhe reagova emocionalisht.Dëshiroj të të kërkoj falje publike, Chris. Gabova. Jam në siklet dhe veprimet e mia nuk ishin tregues i mashkullit që dua të jem. Nuk ka vend për dhunë në një botë dashurie dhe mirësie.”Akademia ka dënuar veprimet e Smith dhe ka hapur një hetim pë incidentin./Lapsi.al