Apelit të pjesëmarrësve në Botërorin Katar 2022 i mungojnë ende tre skuadra dhe njëra prej tyre pritet nga Europa. Gjysmëfinalja e playoff-it mes Skocisë dhe Ukrainës, e shtyrë për shkak të bombardimeve ruse në territorin ukrainas, do të luhet dhe, tashmë, ka një datë të treguar zyrtarisht nga FIFA: 1 qershor 2022 në Hampden Park, Edinburgh. Fituesi i sfidës do të përballet me Uellsin në finale, që do të luhet më 5 qershor.
FIFA ka fiksuar datat për playoff-et kualifikuese europiane për Kupën e Botës në Katar ku përfshihet edhe Ukraina. Skoci-Ukrainë do të luhet më 1 qershor dhe fituesit do të përballen me Uellsin më 5 qershor në finalen për vendin e vetëm të mbetur evropian, në eventin e planifikuar për në fund të vitit.
FIFA ka dashur të falënderojë “të gjitha palët e përfshira, për frymën e fortë të solidaritetit dhe bashkëpunimit, që çoi në këtë vendim unanim, me përshtatjen e kalendarit të Ligës së Kombeve, falë bashkëpunimit të UEFA-s”. Ndeshja mes skocezëve dhe ukrainasve duhej të zhvillohej më 24 mars në Hampden Park në Glasgow, por ishte shtyrë për shkak të pushtimit rus të Ukrainës.