Gjashtë persona janë vrarë dhe tetë kanë mbetur të plagosur në sulmet me raketa në qytetin perëndimor të Ukrainës, Lviv këtë mëngjes, sipas guvernatorit rajonal Maksym Kozystkiy, shkruan The Guardian.
💥 Львов. Несмотря на запреты на съемку, местные жители публикуют видео ракетных ударов, которые были нанесены по местам дислокации иностранных военных инструкторов. Мэр Львова Андрей Садовый заявил о пяти ракетных ударах pic.twitter.com/svBkC4vER7
— Alexander Bunin (@abunin) April 18, 2022
Për sulmet në qytet ka raportuar gjithashtu ekipi i BBC. “Një alarm i sulmit ajror ra rreth 45 minuta para shpërthimit. Sidoqoftë, sirena të tilla janë të zakonshme në Lviv, shumë njerëz ishin ende në rrugë, dhe ne ishim në restorantin e hotelit në katin e fundit kur pamë shtëllungat e tymit në distancë”, raportoi ekipi.
Ministria ruse e mbrojtjes tha se forcat ushtarake goditën 315 objektiva ukrainase gjatë natës, sipas agjencisë shtetërore ruse të lajmeve Tass. Forcat ruse shkatërruan katër depo armësh dhe pajisje ushtarake në Ukrainë gjatë natës me raketa Iskander.