Për shkak të erërave të forta, fshatra të Lumit të Vlorës janë pa energji elektrike. Ka pasur shkëputje të energjisë gjatë natës dhe në këto momente, fshati Brataj, Gjorm, Mesaplik, Tërbaç, Vranisht nuk kanë energji elektrike; gjithashtu dhe Babica e Madhe.
Pa energji elektrike si pasojë e stuhisë së fortë ka mbetur edhe Orikumi, Dukat fshat dhe zona e Llogorasë që prej mbrëmjes së djeshme.
Në qytetin e Vlorës, si pasojë e erërave të forta ka pasur edhe dëme në xhama e automjete.