Nicole Kidman është akuzuar së fundmi nga fansat për ndërhyrje kirurgjikale.
Përmes rrjetit të saj social, Kidamn publikoi një foto me regjisoren Lulu Wang në xhirimet e serialit të ri të Amazon “Expats”.Mirëpo, fansat vunë re se diçka në fytyrën e aktores dukej ndryshe pasi dukej e fryrë dhe pa rrudha.
“Çfarë ke bërë me fytyrën tënde? Ti po fillon të bëhesh si një përbindësh, është e trishtueshme sepse ishe e bukur”, shkroi një fans në postim.”Ti nuk dukesh si vetja, Nicole,” komentoi një tjetër.”Diçka nuk shkon me fytyrën tënde,” shkruajti dikush tjetër.
Kirurgu plastik i certifikuar me bazë në Nju Jork, Dr. David Shafer, i cili nuk ka punuar me Nicole, tha për The Post se mbase aktorja mund të ketë përdorur dhe filtra për të mbuluar rrudhat.
“Kur njerëzit duken ndryshe, kurioziteti i parë i të gjithëve është nëse kanë bërë operacione plastike. Megjithatë, duhen bërë edhe konsiderata të tjera – veçanërisht me përdorimin universal të filtrave në mediat sociale,” tha Dr. Shafer. “Si duket dikush në një foto në internet mund të jetë krejtësisht e ndryshme nga mënyra se si duken ata personalisht ose në jetën reale.”
Megjithatë, Dr. Shafer, klinika e të cilit është në Fifth Avenue, nuk përjashton operacionet në këtë rast. Kirurgjia plastike, shpjegoi ai, mbulon një spektër të procedurave të ndryshme – të cilat variojnë nga Botox, lifting i fytyrës, filler dhe liposuction por vetëm “punët e këqija” duken të panatyrshme,u shpreh kirurgu.
“Në foto, Nicole ka një shkëlqim rinor dhe lëkurë të lëmuar,” shtoi ai. “Këta mund të jenë filtra, botox ose mbushës si Juvéderm për të ndihmuar në zbutjen e rrudhave dhe për të zëvendësuar volumin e humbur në faqet e saj. Ajo sigurisht ka akses në kujdesin dhe estetikët më të mirë të lëkurës.”
Aktorja e “Being the Ricardos” ka mohuar më parë të ketë bërë ndonjëherë ndërhyrje në fytyrën e saj, duke këmbëngulur se ishte e natyrshme dhe duke u betuar për një rutinë të kujdesit të lëkurës dhe zakone të shëndetshme.
“Për të qenë e sinqertë, unë jam krejtësisht natyrale,” i tha ajo Marie Claire në 2007. “Nuk kam asgjë në fytyrën time . Unë mbaj krem kundër diellit dhe nuk pi duhan. Unë kujdesem për veten time. Dhe jam shumë krenare ta them këtë.”/Lapsi.al