Amber Heard ka folur për gjithçka!
Nga trajtimi i publikut ndaj saj gjatë gjyqit për shpifje me Johnny Depp, deri tek fakti nëse ajo po tregonte të vërtetën për abuzimin e dyshuar.
Heard u ul përballw Savannah Guthrie të NBC News nw një intervistë ekskluzive.
Aktorja nuk u tërhoq nga pretendimet e saj se Depp e kishte abuzuar fizikisht dhe emocionalisht gjatë martesës së tyre.
“Deri në ditën time të vdekjes, unë do të qëndroj pranë çdo fjale të dëshmisë sime,” i tha ajo Guthrie.
Heard tha se ajo besonte se “shumica dërrmuese e këtij gjyqi u luajt në mediat sociale”, duke iu referuar shumë memeve dhe mashtrimeve të çështjes gjyqësore që qarkulluan në TikTok dhe platforma të tjera. Ajo tha se juria “nuk ishte imune” ndaj atyre portretizimeve më pak lajkatare të saj.
“Unë mendoj se edhe juria me qëllime të mira, do të ishte e pamundur ta shmangte këtë,” tha ajo.
Kur u pyet nëse ajo mendonte se avokatët e Depp-it ishin më të mirë se ata të saj, Heard tha se avokatët e tij “bënë një punë më të mirë për të shpërqendruar jurinë nga çështjet reale”.
Ekipi i Heard ka thënë se ata synojnë të apelojnë vendimin. Guthrie tha se ajo intervistoi Heard më shumë se një javë pas përfundimit të gjyqit.
Para fillimit të një interviste të mëparshme me dy nga avokatët e Depp, Benjamin Chew dhe Camille Vasquez, Guthrie zbuloi se bashkëshorti i saj, konsulenti i marrëdhënieve me publikun Michael Feldman, kishte ofruar shërbime këshillimi për Depp dhe ekipin e tij, por jo në lidhje me intervistën e saj.