Në Torino ka nisur numërimi mbrapsht për të parë Angel Di Marian të veshur me fanellën bardhezi: hapja e argjentinasit për një transferim në Itali i ka dhënë një përshpejtim të fortë negociatave mes stafit të tij dhe drejtuesve të Juventus. Konfirmimi ka ardhur pikërisht nga menaxherët e argjentinasit, që kanë dhënë një deklaratë për La Stampa: “Po flasim për detajet e fundit dhe presim që të na japin ok për disa gjëra”. Një kontratë 1 vjeçare me vlerë 7 milionë neto është gati për 34-vjeçarin.
Orët e ardhshme do të jenë të çmuara për të sqaruar detajet e fundit: Cherubini dhe Arrivabene insistojnë të fusin opsionin e rinovimit edhe për një vit, por deri më tani përpjekjet janë përplasur në murin e ngritur nga lojtari Albiceleste. Prandaj, marrëveshja do të shtrëngohet në bazë të një kontrate sezonale, pastaj do të shihet. Ende për tu përcaktuar, paketa e bonuseve që do të përfshihet në kontratë.
Di Maria do të kompletojë një repart ofensiv, duke i dhënë një dorë edhe aftësive realizuese të Vlahovic dhe duke lehtësuar rikuperimin e Chiesa, që vjen nga dëmtimi. Klubi i Juventusit, megjithatë, mund të mos ndalet me kaq: Zaniolo mbetet një opsion i mundshëm me ose pa nënshkrimin e Fideos, ndërsa politika e sigurimit të Kostic mbetet e vlefshme.
Megjithatë, tani Juventus konkludon një goditje që në një pikë dukej se ishte zhdukur përgjithmonë: përgjigja e argjentinasit erdhi me vonesë, por durimi për një lojtar të kalibrit të tij, në fund të fundit jep gjithmonë rezultat.