Pas datës 30 qershor, që ishte edhe ajo e skadimit të kontratës me Milanin, për kalimin e Franck Kessie te Barcelona mungonte vetëm njoftimi zyrtar, që ka mbërritur sot. Mesfushori nga Bregu i Fildishtë është bashkuar me blaugrana me parametër zero e ka nënshkruar një kontratë deri më 30 qershor 2026 (për 6.5 milionë neto në sezon). Katalanasit për të qenë të sigurtë i kanë vendosur Kessie një klauzolë të thyerjes së kontratës prej 500 milionë eurosh. Prezantimi në konferencën për shtyp është planifikuar për të martën në mëngjes.
✍️ Barça sign Franck Kessie until 2026!
— FC Barcelona (@FCBarcelona) July 4, 2022
Njoftimi zyrtar mbyll kështu kapitullin e zërave që vinin nga Spanja për problemet e mundshme për teserimin e Kessie: situata e vështirë ekonomike e katalanasve sigurisht që e vonoi marrëveshjen, e cila megjithatë nuk u vu kurrë në diskutim. Presidenti Laporta kishte paralajmëruar prezantimin e mesfushorit të datëlindjes 1996 për të mërkurën, sot erdhi konfirmimi përfundimtar, i mundshëm edhe falë shitjes së një pjese të të drejtave të ardhshme televizive që kanë garantuar të ardhura prej 200 milionë eurosh.