Një ndeshje e Premier League të Ukrainës të mërkurën zgjati 4 orë e 27 minuta në vend të 90 minutave normale, pasi u ndërpre nga sirenat e sulmit ajror. Rukh Lviv dhe Metalist Kharkiv e nisën ndeshjen e tyre në stadiumin Ukraina, në qytetin perëndimor të Lviv, në 15:00 me orën lokale dhe e përfunduan atë në orën 19:27, me tre pauza të gjata pas rënies së alarmit. Metalisti në fund fitoi 2-1, me skuadrat që kaluan 145 minuta në total në bunker, pavarësisht se nuk ndodhi asnjë shpërthim në zonë.
Ukraina nisi dje sezonin e ri të futbollit, pavarësisht nga pushtimi që po tentojnë rusët, në një përpjekje për t’i dhënë kombit të shkatërruar nga lufta një nxitje morale. Katër ndeshje u luajtën atë ditë por asnjë nuk u ndërpre për shkak të alarmeve kundërajrore.
Ndeshjet zhvillohen pa tifozë për arsye sigurie. Shumë klube i luajnë ndeshjet e tyre brenda, jo në qytetet e tyre, por kryesisht në rajonet më të sigurta perëndimore ose qendrore. Klubet ukrainase vendosën në prill të mbyllnin sezonin e kaluar herët, pasi kampionati ishte ndërprerë pas pushtimit të Rusisë që filloi më 24 shkurt.