“Sacchi ishte një mësues i jashtëzakonshëm. Në karrierën time duhet të falënderoj shumë njerëz, tifozët për mbrëmjet në Santiago Bernabeu dhe presidentin tim që më dha mundësinë të kthehem në Madrid”. Kështu është shprehur Carlo Ancelotti, i cili mori çmimin e trajnerit të vitit nga UEFA gjatë shortit të Ligës së Kampionëve. “Duhet të falënderoj shumë njerëz për këtë vlerësim – tha Ancelotti –: klubin tim, stafin tim, Arrigo Sacchin, i cili është këtu dhe ishte mësuesi im, tifozët e Real Madrid, të gjithë familjen time, djalin tim Davide, i cili është asistenti im”.
“Formula magjike? Është pasioni për këtë sport dhe më pas cilësia e lojtarëve që duhet të menaxhosh, sezoni i kaluar ishte i veçantë, kishte një lidhje fantastike, arritëm të krijonim një lidhje të bukur dhe një alkimi perfekte, gjë që na ndihmoi për të arritur një rezultat të jashtëzakonshëm. Është e rëndësishme të kemi një marrëdhënie të mirë me lojtarët dhe kjo bazohet në respekt”, shtoi ai.
Carlo Ancelotti è l'UEFA Men's Coach Of The Year 2021/22 pic.twitter.com/nO87Qjbl7W
— La UEFA (@UEFAcom_it) August 25, 2022
“Lojtari vendimtar? Mendoj për Karim Benzema, i cili është rritur shumë – shtoi italiani – duke u bërë një nga liderit e ekipit. Jemi me fat që e kemi me ne, te Real Madrid. Përse lojtarët më duan? Sepse ka respekt, marrëdhënie të shkëlqyera – përfundoi ai – edhe pse ndonjëherë një trajner duhet të bëjë zgjedhje të vështira, por duhet t’i shpjegosh në dhomat e zhveshjes. Unë jam trajner, por jam një njeri dhe duhet t’i trajtoj lojtarët si njerëz”.