Avokati i Tiffany Haddish i është përgjigjur një padie kundër saj në të cilën ajo akuzohet për ngacmim.
Në një ankesë të paraqitur të martën në Gjykatën e Lartë të Kalifornisë për Qarkun e Los Anxhelosit, një grua e identifikuar si Jane Doe paditi Haddish dhe komedianin Aries Spears në emër të një të miture të identifikuar si John Doe.
“Nëna e paditëses, Trizah Morris, është përpjekur të pretendojë këto pretendime false kundër zonjës Haddish për disa vite,”u shpreh avokati Haddish për PEOPLE në një deklaratë mbi padinë. “Çdo avokat që ka marrë përsipër çështjen e saj më vonë ka hequr dorë nga cështja pasi u bë e qartë se pretendimet ishin të pabaza .”
Avokati shtoi: “Tani, zonja Morris ka vajzën e saj të rritur që përfaqëson veten në këtë proces gjyqësor. Të dyja së bashku do të përballen me pasojat e ndjekjes së këtij veprimi joserioz.”
Jane pretendon në dokumentet e gjykatës se Haddish e ka lënë “të traumatizuar për jetën”.
Paditësja pretendon se Haddish ishte “një mike e vjetër e familjes” së saj dhe nënës së John Doe dhe se në vitin 2013, kur Jane Doe ishte 14 vjeçe, aktorja e çoi atë në regjistrimin e një “reklame për Subways” që Haddish dyshohet se tha se do ta ndihmonte atë. Gjatë regjistrimit, Haddish dyshohet se e udhëzoi Jane Doe se si të kryente akte të papërshtatshme seksuale pasi kishte parë një burrë dhe një grua të moshuar në një video.
Vajza thotë në padi se iu kujtua kjo ngjarje kur “Tiffany performoi një skenë të ngjashme” në 2017 Girls Trip, duke e bërë atë të kuptojë situatën që i ndodhi asaj”.
Sipas dosjes, paditësja dyshohet se u ngacmua gjithashtu nga Spears në 2014 pasi Haddish i tha se do të regjistronte një video për Nickelodeon në shtëpinë e komedianit. Ndërsa ishte atje, aktorja dyshohet se ajo e coi John Doe në një dhomë ku Spears filloi të “ngacmonte” 7-vjeçaren për filmin. Dokumentet e gjykatës pretendojnë se Haddish ishte dëshmitare e incidentit të supozuar “dhe ndihmoi, nxiti dhe pa Spears të ngacmonte seksualisht një fëmijë”.
Pamjet e supozuara u shpërndanë në “Funny or Die” në 2014 para se të tërhiqej majin e kaluar, sipas padisë.
Megjithëse pamjet dyshohet se u publikuan, Spears akuzohet se i tha nënës së paditësve se ishte fshirë kur ajo kërkoi ta shihte pasi John Doe e thirri duke qarë pas regjistrimit.
Jane Doe u shpreh se ajo dhe vëllai i saj më i vogël kanë pësuar dëme të mëdha që nga takimet e tyre të supozuara.
“Vajza është 22 vjeç tani dhe nuk ka pasur kurrë lidhje,” thotë padia. “Ajo tani ka “një çrregullim social, depresion dhe ankth”, duke deklaruar se “qëndron në dhomën e saj në shtëpi dhe vendos fashë mbi kamerat e mjeteve elektronike nga frika se mos shikohet ose regjistrohet”.
Tiffany dhe Aries janë paditur për shkaktim të qëllimshëm të shqetësimit emocional, neglizhencës së rëndë, dhunës seksuale, ngacmimit seksual dhe abuzimit seksual të një të mituri./Lapsi.al