Kim Kardashian do të nderohet me çmimin “Giving Tree Award” në Baby2Baby Gala. Sipas Forbes, Kim ka përdorur platformën e saj për t’i dhuruar Baby2Baby dhe fëmijëve që jetojnë në varfëri.
Gala e këtij viti Baby2Baby do të jetë më 12 nëntor, e prezantuar nga Paul Mitchell. Kardashian do t’i bashkohet listës së të nderuarve të kaluar, duke përfshirë Jessica Alba, Jennifer Garner, Vanessa Bryant. Bashkëdrejtorët e Baby2Baby, Kelly Sawyer Patricof dhe Norah Weinstein, i thanë Forbes, se ata mendonin se nuk kishte shembull më të mirë se Kim. Ata vunë në dukje se ajo përdori “platformën e saj gjatë COVID për të rritur ndërgjegjësimin për fëmijët që u mungonin pelenat dhe formula”.
Drejtorët vazhduan duke thënë se Kim dhuroi “miliona dollarë për të çuar më tej misionin tonë. Për të ofruar gjëra të nevojshme për familjet në nevojë”. Themeluesja e Skim i ka dhuruar organizatës mbi gjysmë milioni dollarë që kur filloi të punojë me ta në 2013.
Donacionet hedhin dritë mbi një anë të Kim-it jo gjithmonë të portretizuar. Megjithatë, me sezonin e ardhshëm të The Kardashians, ne mund të shohim më shumë rreth jetës së saj.
Ajo tregoi në ‘Good Morning America’ se episodi premierë është, ” një episod vërtet seriozisht i thellë, i prekshëm për të cilin nuk kemi folur.” “Kështu që unë mendoj se njerëzit do të befasohen vërtet,”u shpreh Kim Kardashian.
Përktheu: Lapsi.al
Marrë nga: Hola