Shkon gjithnjë e më keq për Eden Hazard. Karriera e tij është në rënie të fortë dhe tashmë gazeta AS thekson se edhe vlera e tij në merkato ka rënë dhe jo pak. Gjatë qëndrimit të tij te Chelsea nga viti 2012 deri në vitin 2019, lojtari u bë një nga elementët më të. Ai arriti pikën më të lartë, për sa i përket vlerës së merkatos, në vitin 2018: 150 milionë euro.
Për tetë muaj ai e mbajti këtë shifër, gjë që e bëri atë një nga lojtarët më të vlefshëm në Premier League dhe në futbollin botëror. Në verën e vitit 2019 u transferua në Santiago Bernabeu. Pavarësisht se lojtarit i kishte mbetur edhe një vit nga kontrata e tij me Blues, shuma e paguar ishte 100 milionë euro. Te Real Madrid, megjithatë, gjërat nuk shkuan siç shpresohej.
Tre sezonet e tij të para me merengues ishin një katastrofë për shkak të dëmtimeve dhe jo vetëm. Gjithsej deri më tani ai ka grumbulluar 69 paraqitje dhe 7 gola në 4 sezone me Blancos. Ai nuk ka besimin e Carlo Ancelottit. Këtë sezon, ai dukej sikur do të ishte zëvendësuesi i Benzema, por italiani zgjodhi lojtarë të tjerë.
RËNIA
Nuk është më mirë gjendja në kombëtare. Hazard ka pasur gjithmonë besimin e trajnerit Roberto Martínez dhe ekipit. Por në ndeshjet e fundit të Ligës së Kombeve shumë kanë pyetur nëse Belgjika duhet ta përfshijnë në skuadër për Botëror. Në shtator të vitit të kaluar, vlera e tij në treg ishte rreth 25 milionë euro. Një rënie e ndjeshme nga 100 në vitin e tij të parë si lojtar i Realit. Por tashmë vlera e 31-vjeçarit ka rënë edhe më shumë. Hazard, sipas të dhënave të Transfermarkt, kap vlerën e 12 milionë eurove, një nga vlerat më të ulëta që nga fillimi i karrierës së tij profesionale.
138 milionë më pak se në vitin 2018, 92% më pak se kur veshi fanellën e Chelsea. Në renditjen e lojtarëve më të vlefshëm të Real Madrid, ai është në vendin e 16-të. Mes lojtarëve të La Ligës, sulmuesi belg është në vendin e 111-të. Një rënie e shfrenuar.