Ambjentim i vështirë për Darwin Nuñez. Uruguaiani, i cili mbërriti në Liverpool në verë, pranoi se nuk i kuptonte fjalimet e Jurgen Klopp. Faji është i gjuhës angleze. 23-vjeçari nga Artigas u transferua në Anfield nga Benfica dhe nënshkroi kontratë deri në vitin 2027. Një marrëveshje me vlerë 100 milionë, duke e bërë atë blerjen më të shtrenjtë në historinë e Reds. Sulmuesi ende nuk ka qenë në gjendje të demonstrojë cilësitë e tij në Mbretërinë e Bashkuar. E tani, shumë sinqerisht, ai flet për problemet e tij të adaptimit.
Përvoja e Nuñez te Liverpool nuk po shkon ashtu siç pritej. Filloi me një karton të kuq në Anfield, për një goditje me kokë ndaj Joachim Andersen. E po vazhdon pa befasi të mëdha. Deri më tani ai ka arritur të shënojë vetëm një gol në shtatë ndeshje në të gjitha garat.
23-vjeçari, duke folur për TNT Sports, pranon se ka pasur pak besim në veten e tij javët e fundit. Sulmuesi gjithësesi e vlerëson Klopp që po e ndihmon të rrisë vetëvlerësimin e tij: “Ndonjëherë ndihem i pavendosur se çfarë të bëj, nuk kam besim te vetja. Por duke vazhduar të stërvitem dhe të luaj, gjërat do të përmirësohen. Kjo edhe sepse trajneri më jep gjithmonë besim. Ashtu si zëvendësi i tij Lijnders dhe Matos, ata të dy flasin portugalisht dhe më ndihmojnë duke përkthyer atë që thotë trajneri”.
NUÑEZ: “KUR FLET KLOPP NUK KUPTOJ ASGJË”
Megjithatë, besimi nuk është problemi i vetëm. Ekziston edhe pengesa gjuhësore. Nuñez nuk i kupton fjalimet e Klopp: “E vërteta është se sinqerisht kur trajneri flet me ekipin nuk kuptoj asgjë. E më duhet të pyes shokët e mi se çfarë është thënë. Mendoj se loja e tij është shumë e qartë, ai na thotë të bëjmë gjëra të thjeshta, të mos kemi frikë të luajmë topin dhe të kemi besim te vetja. E më pas, kur ne humbasim topin, ai na kërkon të ushtrojmë presion”.
Ambjentimi nuk është i lehtë, ka shumë punë për të bërë, por Nuñez po përmirësohet gradualisht. Performanca e tij kundër Rangers ishte e shkëlqyer. Tani ai do të duhet të heshtë kritikët e tij një herë e përgjithmonë. Ai do të mund ta provojë tashmë këtë fundjavë, në ndeshjen kundër Arsenal në Premier League.
"LA VERDAD QUE, SINCERAMENTE, EN LAS CHARLAS QUE ÉL HABLA YO NO ENTIENDO NADA" la divertida declaración de Darwin Núñez sobre Klopp. pic.twitter.com/14UW352Lpq
— SportsCenter (@SC_ESPN) October 5, 2022