Shoqata e arbitrave italianë AIA është përfshirë nga stuhia, pas arrestimit të Kryeprokurorit të arbitrave Rosario D’Onofrio. Arrestimi ishte pjesë e një operacioni të DDA të Milanos dhe Guardia di Finanza për trafikun ndërkombëtar të drogës. D’Onofrio u emërua në krye të shoqatës ndërsa ishte në arrest shtëpiak, pasi u arrestua në maj 2020 me 44 kg marijuanë. Ai qëndron në burg deri më 16 shtator 2020, më pas dy vjet në arrest shtëpiak. Nga arbitër në ligat e vogla kapërcimi i madh erdhi me thirrjen në Romë më 11 mars 2021. Ai mori pjesë në mbledhje falë lejeve të gjyqtarit mbikëqyrës. Në korrik 2022, Presidenti Trentalange i dha D’Onofrio, i njohur në qarqet e trafikut të drogës si ‘Rambo’, çmimin “drejtuesi i vitit”. AIA flet për tradhti.
Ministri i Sportit Andrea Abodi kërkoi menjëherë sqarime nga presidenti i Coni Giovanni Malagò. Por edhe nga ai i Federatës së Futbollit Gabriele Gravina. Paralajmërohen tërmete, pas arrestimit të Rambo.
Lexo më tej: “Asnjë ndjesë ndaj Milan”: AIA mohon të ketë kërkuar falje për gabimin e Serras
“Në bazë të nenit 42 të Rregullores së AIA në fuqi, anëtarët duhet të respektojnë rregullat e Kodit të Etikës. Si dhe të ndahen nga qëndrimet e dëmshme për imazhin e AIA-s –thuhet në shënimin e Shoqatës së Arbitrave Italiane–. Neni 42 në fund i imponon komunikimin e menjëhershëm Kryetarit të Seksionit për garancitë, procedimet penale në pritje dhe masat që kufizojnë lirinë personale. E gjithë kjo nuk ka ndodhur kurrë. Përkundrazi, vetëm sot nga media mësojmë se z. Rosario D’Onofrio është arrestuar gjatë vitit 2020. Madje nuk është komunikuar as kjo masë kufizuese e lirisë personale, gjë që i lejoi të mbante detyrën e anëtarit të komisionit kombëtar të disiplinës”.
AKUZA E ISH-ARBITRIT
“Në dy vitet e fundit D’Onofrio vendoste, nën maskën e kryeprokurorit të AIA-s, promovimet dhe shkarkimet e arbitrave të Serie A dhe Serie B”. Këto ishin fjalët akuzuese të ish-arbitrit Giacomelli, fillimisht i pezulluar më pas i përjashtuar nga Serie A për parregullsi në rimbursimet ndaj ‘Repubblica’. “Thjesht për një gabim formal, D’Onofrio shtyu që vetëm për 17 ditë skualifikim të kaloj 12 muaj, mjaftueshëm për të më nxjerrë përfundimisht nga Serie A. Këto vendime për asgjësimet dhe promovimet teorikisht i përkasin organeve teknike. Por jam i bindur se D’Onofrio ishte krahu i armatosur i shkarkimeve. Ai ishte zgjedhja e tyre politike. Duke vendosur sanksione ai drejtoi karrierën e gjyqtarëve. Duke favorizuar disa dhe ndëshkuar të tjerë ai vendoste në tavolinë klasifikimin e meritave”.