Të premten, Searchlight Pictures njoftoi se Taylor Swift do të bëjë debutimin e saj si regjisore.
Ndërsa detajet në lidhje me komplotin dhe kastin e filmit nuk janë ndarë ende, filmi do të prodhohet nga Searchlight, i cili në vitet e fundit ka bërë filmat fitues të Akademisë, si; filmi i Guillermo del Toro në 2017, The Shape of Water dhe drama e Chloe Zhao 2020 Nomadland. “Është një gëzim dhe privilegj i vërtetë të bashkëpunosh me të ndërsa ajo nis këtë udhëtim emocionues dhe të ri krijues,” shtuan presidentët e kompanisë Greenbaum dhe Greenfield për Swift.
Artisja kohët e fundit ka marrë çmime për punën e saj regjisore në All Too Well: The Short Film, një film i shkurtër 13-minutësh i frymëzuar nga versioni 10-minutësh i këngës së saj “All Too Well “. Filmi fitoi çmimin për regjinë më të mirë në MTV VMA 2022. Ai gjithashtu u kualifikua për çmimet e ardhshme Oscar.
“Ishte një proces i ngadaltë”, ka treguar Taylor për drejtimin e projektit. “Nuk ishte sikur u zgjova një ditë dhe isha sikur, “E dini çfarë? Dua të bëhem regjisore.” Unë nuk kam shkuar në një shkollë filmi. Por kam qenë në xhirimet e mbi 60 videove muzikore. Dhe kam mësuar shumë nga ai proces.”/Lapsi.al