Ish-lojtari i Cagliarit dhe Juventusit, Fabian O’Neill, ndërroi jetë në orët e fundit, pasi u shtrua në terapi intensive në një spital në Montevideo. Njoftimi është bërë në rrjetet sociale nga vëllai i ish-lojtarit, i cili prej ditës së djeshme (24 dhjetor) ishte në gjendje kome. O’Neill, i quajtur “Magjistari” u nda nga jeta paraditen e ditës së Krishtlindjes: “Epo vëllai im i dashur ti shkove në një udhëtim… Do të jesh një tjetër ëngjëll për mua në qiell dhe shpresoj të më drejtosh. Do të dua gjithmonë”.
49-vjeçari uruguajan luajti 136 ndeshje për Cagliari, duke shënuar 16 gola. Ai ishte shtruar me urgjencë në spital edhe në korrik 2020 për probleme të mëlçisë dhe traktit urinar.
Orgogliosi di aver potuto ammirare da vicino il tuo genio: puro, cristallino, come i diamanti più preziosi.
Ci hai fatto innamorare della tua classe, Cagliari non ha mai smesso di voler bene al suo Mago con la “10” sulle spalle.
Riposa in pace, Fabian. Per sempre uno di noi. pic.twitter.com/5qqhnoQabJ
— Cagliari Calcio (@CagliariCalcio) December 25, 2022
KARRIERA E “MAGJISTARIT”
Uruguajani e nisi karrierën e tij profesioniste me Nacional në Primera División në vendlindje. Ai luajti në skuadrën e parë mes 1992 e 1995. Një vit më vonë ai u transferua në Itali për të luajtur në Serie A me Cagliari. Klubi u rrëzua nga kategoria në 1997, por u kthye sërish në 1998. Pasi Cagliari shkoi sërish në Serie B në 2000, O’Neill u transferua te Juventus. Në janar 2002 ai lëvizi te Perugia si pjesë e akordit që kaloi Davide Baiocco te Juventus. Në vitin 2012, O’Neill pranoi se dy herë kishte trukuar ndeshjet e Serie A që të fitonte baste.
“Magjistari” luajti 19 herë për Uruguajin. Ai debutoi me kombëtaren në qershor 1993 në Copa América, në ndeshjen e grupeve kundër SHBA. E fundit me kombëtaren ishte në maj 2002 kundër Kinës në Shenyang. O’Neill u tërhoq, duke u kthyer në Uruguaj për tu përqendruar në biznesin e tij. Në janar 2003, ai u kthye te Nacional por luajti vetëm 5 takime. Që atëherë ai ka luajtur dhe ka menaxhuar klube gjysëmprofesioniste në kategoritë e ulëta të Uruguajit.