Fabrikat e qumështit ‘kërcënuan’ disa ditë më parë se do të rrisnin çmimin e bulmetit të deles dhe të dhisë. Rritja e çmimeve varionte nga 8% deri në 38 %, një kosto që bëhej gati e papërballueshme për konsumatorët. Rritja e çmimëeve u justifikua me faktin se ka mungesë të lëndës së parë të qumështit si dhe shtrenjtimit të blerjes së tij nga blegtorët.
Mirëpo gjatë mesditës së sotme, shoqata e fabrikave të qumështit ka përgënjeshtruar lajmin që me forcë e futën në media si paralajmërim. Duke lexuar deklaratën e mirëshkruar, e duke u shprehur përkrah konsumatorëve, shoqata tha se lajmi është i pasaktë dhe keqinformim. Sipas tyre është vetëm një fabrikë qumështi që ka vndosur të rrisi çmimet dhe jo të gjitha fabrikat.
“Është vetëm një kompani, që është anëtare e shoqatës sonë, e cila ka lajmëruar për rritje të çmimeve, vetëm për produktet me qumësht dele dhe dhie. Edhe kjo kompani, e gjendur në një situatë shumë të vështirë të kostove të operimit, është ndikuar nga kostot e shtuara në grumbullimin dhe përpunimin e lendës së parë për qumështin e deles dhe dhisë. Ky është një treg i lirë dhe asnjë operator nuk ka mundësi të vendosi për çmimet” – thuhet në deklaratën e tyre.
Kjo ishte rritja e dytë që fabrikat e qumështit tentuan të kryenin për çmimet e bulmetit, duke krijuar një monopol në treg. Ndikuar nga revolta e konsumatorëve dhe paralajërimi se nuk do të kishte blerje të produkteve, duket se kompanitë janë tërhequr.
Thjesht uje jo qumesht
Sot shume produkte jane me qumesht pluhur ose me vaj palme mjafton nje analize e thjeshte per djathin, gjalpin , kosin duke shprytezuar kontrollin 0 dhe konkurencen pothuajse inekzistente produktet e ketyre kompanive jane jashte standartit prandaj keto kompani spekullojne me cilesine Sot Gjeje me e mire qe do te bente shteti te bllokonte importin e qumshtit pluhur dhe vajti te palmes qe perdoren nga keto kompani keto 2 produkte shume te demshme