Gjykata e Tiranës ka ndryshuar masën e sigurisë për Xherxh Laçin, i cili u arrestua pasi mbante familjen te ngujuar. Pas ekspertizës mjekësore gjykata ka vendosur masën ‘mjekim i detyrushëm në spital’ për të.
Xherxh Laçi mbante të mbyllur dhe dhunonte, prej 6 vitesh me radhë, gruan dhe dy fëmijët e saj të mitur. Dy fëmijët, 15 dhe 17 vjeç, as mund të shkonin në shkollë si të gjithë bashkëmoshatarët. Pasi kishin mbaruar shkollën 9-vjeçare, 50-vjeçari u kishte ndaluar atyre të vazhdonin gjimnazin. Po ashtu, 50-vjeçari e mbante bashkëshorten të ngujuar në shtëpi duke e kërcënuar me thikë, e madje ushtronte edhe dhunë fizike, shpesh duke përdorur edhe shkopinj druri. Familja ishte ngujuar në zemër të kryeqytetit, në zonën e 5 Majit në Tiranë. Mendohet se edhe të afërmit e fqinjët ishin në dijeni të ngujimit, por askush prej tyre nuk ka reaguar.
Krimi brenda familjes per motivé te ndryshme eshte rritur ne permasa te paimgjinushme, per shkak te denimeve te buta per autoret e tyre.
Por burgosja e familjes per 6 vite nga nje islamist, ndoshta ishte rasti me flagrant per ta ndeshkuar autorin me ligjet e antiterrorizmit, sepse ne fakt eshte terror edhe ndaj femijeve dhe shembulli me i keq i nje prindi qe rrit qytetaret e se nesermes.