Sanitarja Rozeta Dobi ka rrëfyer për hetuesit se ish-zyrtarja Alda Klosi, i kishte dhënë 10 mijë euro si shpërblim për inskenimin e vjedhjes dhe ruajtjes në banesë të rreth 500 mijë Eurove. Në dëshminë e dytë, dhënë në datën 6 Shkurt dhe që Tv Klan thotë se e disponon të plotë, Dobi gjithashtu ka thënë se ish-zyrtarja e lartë i ka premtuar edhe një tharëse rrobash.
“Të hënën pasdite kam vajtur në banesën e Aldës, kam sistemuar rrobat që i kisha bërë rrëmujë të enjten, kam pastruar shtëpinë, dhe në fund ka ardhur Alda e cila më ka bërë pagesën e muajit 100 Euro, më pas më ka dhënë edhe shumën e shpërblimit 10.000 Euro. Për tharësen më ka thënë se do të shikoj se si do më eci puna dhe kur të kthehem nga Amerika do ta blej”, ka dëshmuar ajo.
Kjo dëshmi është dhënë nga sanitarja 3 ditë pas arrestimit të Klosit dhe Dobi ka identifikuar gjithashtu pasuritë e saj.
“Po kjo banesë ndodhet në katin e katërt, në krahun e djathtë të shkallëve. Apartamenti është 2+1, dhe ka këtë përshkrim brenda, sapo hap derën e jashtme hyn në sallon, i cili përball ka një ballkon dhe në të majtë sapo hyn ka kuzhinën. Deklaroj se te ky pallat kanë edhe një garazh makine. Këtë fakt e kam mësuar nga biseda me Altinin, i cili më kishte thënë se Alda kishte marrë ca shishe me verë në garazh” – ka thënë sanitarja Dobi.
Sipas sanitares, Klosi dhe ish-bashkëshorti i saj kishin porositur një banesë të Kodra e Diellit dhe posedojnë një shtëpi private në Vuno, për të cilat Prokuroria po kryen verifikime.
“Më është thënë si nga Alda Klosi, bashkëshorti i saj Altin Klosi dhe mamaja e Aldës, se ajo kishte prenotuar një banesë te Kodra e Diellit. Nuk më është thënë se ku dhe si është prenotuar kjo banesë, por më është thënë se unë do të kisha shumë punë për të kryer në të. Më është thënë se kishin një shtëpi private në Vuno. Rreth këtij fakti deklaroj se bashkëshorti rrinte nga dy muaj me pushime bashkë me djalin në këtë banesë. Pas ndarjes me Aldën, ai më ka më thënë se Alda më do të arrestuar dhe për atë shtëpi do të luftoj fort që të mos ma marrin, pasi do ia kaloj djalit në pronësi” – rrëfeu ajo.
Disa javë më parë, Alda Klosi dhe sanitarja e saj Rozeta Dobi, të dy të arrestuara, u ballafaquan në Prokurorinë e Tiranës. Klosi, ndaj të cilës janë ngritur 3 akuza ajo e “Pastrimit të parave”, “Mosdeklarimit të pasurisë” dhe “Deklarimit të rremë para oficerit të policisë gjyqësore” i konsideron deklarimet e Dobit të gënjeshtërta. /Tv Klan
Gjithe fajin e ka Saliu. Ai po e ben korrupsionin e papermbajtur ne cdo qelize te shtetit .
Ai ka organizuar te tera vjedhjet galopante te inceneratoreve, te “tigrave ” ne gjirin e Vlores,
te rrugeve te florijta me tre deri ne 10 fishin e cmimit krahasuar me BE, rushfetet 5-30 mije euro ne
kadaster e te tjera e te tjera. Ah cna bere o Sale, na e ktheve shtetin e Rames ne rrumpalle.
E kam thene ne qeverite mavi nga drejtor i larte jane per burg
Me 4 vjet drejtoresh ka bere 600.000 euro dhe 4 apartamente, e kuptoni sa kane bere ministratat dhe kryeministri?? Miliarda te gjitha te vjedhura biznesin dhe ky i fundit nga xhepat e popullit
Mos i hengshit e burgjeve u kalbshit
Po talleni ju apo ca??
Duhet te jesh vërtet budalla te besosh histori te tilla.
Unë për vete nuk e besoj, por kjo nuk do të thotë që jam i zgjuar si puna jote, kam zgjuarsi tjetër unë.
duhet te jesh idiot te besosh perallat e kesaj Dobit Pse nuk kishte Klosi moter vella apo miq ku te fshihte parate po ja dha sherbetores qe e takonte nje here ne muaj dhe e paguante 100 dollare?
nuk u besonte atyre
Vazhdon telenovela Nafije Klosi me fare kosi