Të mërkurën më 15 mars Napoli pret Eintracht Frankfurt për ndeshjen e kthimit të 1/8 të Ligës së Kampionëve. Skuadra e Spallettit është e fortë në 0-2 e ndeshjes së parë falë golave të Osimhen dhe kapitenit Di Lorenzo. Për të kaltrit, çerekfinalja e Champions League, do të ishte një objektiv historik i paarritur më parë. Por nëse në qytet ka pritshmëri të madhe për ndeshjen, nga ana tjetër Digos është në gatishmëri për atë që mund të ndodhë mes tifozëve jashtë stadiumit.
Që në ndeshjen e parë klima ishte e nxehtë, me Frankfurtin të mbushur me pankarta kundër napolitanëve. Në kthim është rreziku i një guerrilje është real. Për këtë arsye, ministri i Brendshëm fillimisht kishte ndaluar shitjen e biletave për tifozët gjermanë, duke mbyllur efektivisht sektorin e miqve. Bordi i drejtorëve të Eintracht paraqiti një apel, i cili u pranua nga TAR i Kampanias, duke lejuar kështu shitjen e lirë në sektorin mik. A përfunduar historia? Aspak, sepse De Laurentiis kërkoi ndërhyrjen e Prefekturës e cila mori një vendim gjysmak, duke ndaluar shitjen e biletave vetëm për banorët e Frankfurtit. Një zgjidhje që nuk e zgjidh problemin.
PËRGJIMET E RËNDA TË ULTRASVE TË EINTRACHT
Një lajm që sigurisht nuk i pëlqeu Digos, edhe për shkak të asaj që është zbuluar nga përgjimet. “Do të jetë një luftë”, shprehja e kapur nga antenat e Digos mes tifozëve të Napolit. Nuk mungon provokimi i atyre të Eintracht: “Do të vijmë të bëjmë padronët edhe në Napoli”, raporton Il Messaggero. Provokim që ka marrë përgjigjen nga një ultras i Napolit i grupit Fedayn që mbeti anonim. Ai pranoi për Repubblica duke thënë: “Do të gjejnë bukë për dhëmbët e tyre”. Rreth 8,000 tifozë vizitorë priten të mërkurën në Napoli, jo vetëm gjermanë por edhe bergamask duke pasur parasysh binjakëzimin me ultrasit e Atalantës.
Lexo më tej: TAR i kthen tifozët Eintracht për transfertën në ‘Maradona’, Napoli: “Shumë të preokupuar”
Përvec kësaj, ekziston rreziku që t’i shtohen edhe ultrasit e Crvena Zvezda, të binjakëzuar me tifozët kampanë. Me pak fjalë, klima është shumë e tensionuar dhe për këtë Digos ka alarmuar policinë. Kontrollet maksimale në aeroportin Capodichino do të nisin duke filluar nga e marta. Në fakt, mbështetësit e Eintracht njihen për qëndrimet e tyre të gjata dhe “paradat” në qytetet rivale. Me bileta ose jo, gjermanët janë gati të zbarkojnë në Napoli për të “larë hesapet”.