Nuk ka paqe për Paul Pogba: viti i kthimit të tij në Juventus është gjithnjë e më shumë një makth. Francezi, rreth orës 9:30, mbërriti në J Medical për t’iu nënshtruar testeve instrumentale. Rezultati nuk ishte ai që shpresonin bardhezinjtë. Kontrollet evidentuan një ndrydhje të shkallës së ulët në aduktorin e kofshës së djathtë. Ish-mesfushori i United ka nisur tashmë procesin e rehabilitimit që synon rifillimin e aktivitetit konkurrues. Ndalesa duhet të jetë ende 20-30 ditë të tjera. Allegri me sa duket do ta ketë në dispozicion vetëm pas Pashkëve.
Reset pic.twitter.com/7Ssg9q3KKp
— Paul Pogba (@paulpogba) March 10, 2023
Te Juventus durimi po mbaron. E ardhmja e Pogba tani është më shumë se kurrë një enigmë. Mes dëmtimeve, vonesave në grumbullim dhe daljeve aspak të lumtura në rrjetet sociale, viti i rikthimit të madh të francezit në Torino u shndërrua ngadalë në një makth. Tashmë edhe tifozët e kanë braktisur. Vetëm dy paraqitje, tridhjetë e pesë minuta të luajtura në sezon dhe tani një pushim i ri i gjatë.
Lexo më tej: E pabesueshme por e vërtetë: Pogba dëmtohet përsëri, humbet edhe sfidën me Sampdoria
NDALESË EDHE PËR BONUCCI
Kontrolle mjekësore në J Medical edhe për Leonardo Bonucci. Mbrojtësi i cili pësoi një traumë kontuzive në këmbën e majtë do të monitorohet ditë pas dite.