Një aksident i rëndë ka ndodhur mesditën e kësaj të shtune në Pogradec. Aksidenti ka ndodhur në aksin nacional Pogradec – Lin, në afërsi të Pojskës. Pjesë e aksidentit jane bërë disa makina, mes tyre një furgon mallrash që transportonte fruta dhe perime.
“Më datë 01.04.2023, rreth orës 14:30, në aksin rrugor Pogradec-Qafë Thanë, në afërsi të fshatit Pojskë, janë përplasur 3 automjete, konkretisht automjeti furgon tip “Benz”, me automjetin tip “Opel” me drejtues shtetasin A. Y. dhe automjetin tip “Toyota” me drejtues shtetasin M. P. Si pasojë e përplasjes, aktualisht janë dërguar në spital për ndihmë mjekësore 6 shtetas, ku 2 prej tyre ndodhen në gjendje të rëndë shëndetësore.
Ndërkohë ambulanca, zjarrfikësja dhe policia drejt vendit të ngjarjes.