Ish-kryetarja e LSI-së, Monika Kryemadhi u shfaq në dy nga emisionet politike të mbrëmjes së të hënës për t’iu përgjigjur akuzave të PS-së se ka përfituar para nga oligarkë rusë. Ajo i ka konsideruar akuzat si falsifikime dhe shantazh ndaj saj.
E ftuar në emisionin “Të Paekspozuarit” në MCN TV, Kryemadhi tha se do të depozitojë padi për shpifje dhe shantazh ndaj Top Channel që ka publikuar disa dokumente. Ajo gjithashtu deklaroi se është shantazhuar edhe me mënyra të tjera, duke thënë se fëmija i saj, 17 vjeç, po hetohet nga SPAK për pastrim parash.
“Kanë bërë shantazh puoblik dhe jo publik. Kanë bërë shantazh edhe të fëmijët e mi. Fëmija im 17 vjeç, që hetohet në SPAK për pastrim parash? Gazetarë që vendosin gjoba dhe paguhen me para të inceneratorëve. Po fëmijët tanë që kërcënohen përditë? Fëmijët e mi ja kanë marrë dorën, sepse kanë 30 vjet më nënën dhe babën në këtë punë.
Edhe babain tim në varr ta hetojnë, do ta çoj deri në fund edhe me Top Channel, që sot është kompani offshore, që përfaqësohet nga Edi Rama, Erion VEliaj apo Mirel Mërtiri?”, – tha Kryemadhi.
Ajo këmbënguli se dokumentet janë të sajuara nga një kompani izraelite që kohët e fundit është akuzuar se ka shkaktuar skandale politike në vende të ndryshme.
“Të gjitha këto (dokumente) janë shtypur me kompjuter. Shihni ndonjë firmë timen këtu? Të njëjtën gjë që shihni sot, e njëjta gjë ka përdorur Aleksandër Vuçiç ndaj kundërshtarit. Janë falsifikime të bëra nga një kompani izraelite nga Tal Halal. Është person në kërkim nga vendet partnere, sepse ka vendosur regjime autokratike duke përdorur këto falsifikime. Është sulmuar me fake account të bankave.
Ju e dini dashurinë e Ramës me Vuçiç. E dini që kanë përdorur të njëjtën kompani izraelite në zgjedhje? Dua t’ju theksoj se personi në fjalë, është në kërkim në SHBA për destabilitet që ka krijuar, për vendosjen e regjimeve autokratike. Tani kjo gjë nuk më intereson, sepse nuk do të merrem. Do të merren avokatët me televizionin Top Channel. Do të kenë padi penale për shpifje dhe shantazh” – tha Kryemadhi.
Ndërsa më pas në emisionin “Opinion”, Kryemadhi tha se ajpo po akuzohet për shkak se ka denoncuar çështjen e inceneratorëve. Sipas saj së shpejti do vijë një letër-porosi nga përtej oqeanit duke paralajmëruar kryeministrin Edi Rama. Sipas saj bëhet fjalë për çështjen “McGonigal”.
“Shumë shpejt do të trokasë një letër-porosi për Edi Ramën. Sa herë i troket diçka, Rama nxjerr nga këto fatura, siç ishte rasti në shtator i rastit McGonigal, për korruptimin e një zyrtarit të lartë siç është FBI. Ahmetaj mund të jetë i radhës gjoja për inceneratorët për të mbuluar aferën Mcgonigal.
Ky zotëri do shkoj në burg si koka e incenratorëve, jo se nuk është ai është. Ahmetaj mund të arrestohet, bëhet një marrëveshje, se ka frikë se mund të ketë qenë Ahmetaj ai që ka çuar parat të McGonigal. Zero kam marrë informacion nga Ahmetaj për inceneratorët”, – tha Kryemadhi. ©LAPSI.al
Edhe nese gojet e liga thone. Se ti i ke mare ato lek.
Dihet qe i ke mare per ne. Per popullin fukara.
Te garantoj une qe nuk i ka marre dhe jam i sigurtë 99.9%.
Nuk i ndyejne duart politikanet tane me shuma qesharake prej 5000€, aq me teper ti marin ato nëpërmjet sistemit bankar.
Ky duket qarte qe eshte mashtrim.
Monika, jan bërë ujqit bashkë për të të hequr qafe se je bër kërcënim për ta. Publikimi i korrupsionit me inceneratoret ishte një akt trim i yti. Faleminderit!
Paç mbrojtjen e Zotit!
Flm mona, flm miri qe falenderon monen, flm like, flm peco vasili, Partia e liris eshte parti cilesore dhe eficente. Duket qarte qe denoncimet e inceneratoreve e kane detyruar mafien ne pushtet te shpifi.
Nëse shohim personazhet qesharakë të katapultuar në politikë, të cilët përfaqësojnë akuzat ndaj Kryemadhit në emër të Ramës, Valteri e Gogu, do të kuptonim qartë se është jo vetëm shantazh.
Në politikën shqiptare, ku është ulur këmbëkryq në institucionet e shtetit vetë krimi i organizuar, po përdoren të gjitha mjetet e tij, si në luftën politike, ashtu edhe për t’i mbyllur gojën kujtdo që guxon të flasë për aferat korruptive.
Kur ju interesonte topi per propagande tuaj,ishte media e pavarur…tani shantazhon kercenon. Ik o fekkiqsira qe e bete ket vend te mallkum..