Juventus është kthyer menjëherë në fushën e stërvitjes në kuadër të ndeshjes së Europa League kundër Sporting, të enjten në mbrëmje. Në Continassa, në seancën e hapur për mediat dhe tifozët me ftesë të klubit bardhezi, u rishfaq edhe Massimiliano Allegri. Tekniku drejtoi stërvitjen pasi kaloi temperaturën e ethet që e mbajtën jashtë për ndeshjen kundër Lazio. Ai që mungonte ndërkohë ishte Dusan Vlahovic. Për sulmuesin serb vetëm punë në palestër pas ndrydhjes së kaviljes të pësuar në Romë. Prania e tij në ndeshjen kundër luzitanëve është shumë në dyshim.
Vetëm kontrollet e mëtejshme gjatë javës do të tregojnë më shumë për gjendjen e Vlahovic. Për teknikun Allegri është një tjetër problem për t’u zgjidhur në kuadër të ndeshjes së Europa League. Në seancën e parë stërvitore të javës, që çon edhe në ndeshjen e së dielës në Reggio Emilia kundër Sassuolo, zbritën në fushë me grupin edhe Pogba e Bonucci. Të dy lojtarët synojnë rikthimin në skuadër, për ndeshjen e të dielës.
Lexo më tej: Video/ Juventus dorëzohet para Zaccagni: Lazio fiton në Olimpico e mbron vendin e dytë
Ashtu si Vlahovic, De Sciglio gjithashtu punoni vetëm në palestër. Ndërkohë mungonin të rinjtë Iling-Junior, Soulé dhe Barrenechea. Të tre, të martën në mbrëmje do të përfshihen në finalen e kthimit të Kupës së Italisë të Serie C kundër Vicenza.
Here with all of you 🤍🖤 pic.twitter.com/zRU7RN9VQz
— JuventusFC 🇬🇧🇺🇸 (@juventusfcen) April 10, 2023