Një atlete spanjolle e sporteve ekstreme ka dalë nga një shpellë pasi ka kaluar 500 ditë aty pa asnjë kontakt njerëzor duke vendosur atë që mund të jetë një rekord botëror. Kur Beatriz Flamini hyri në një shpellë në Granada, Rusia nuk kishte pushtuar Ukrainën dhe bota ishte ende nën kontrollin e pandemisë Covid. Kjo ishte pjesë e një eksperimenti të monitoruar nga afër nga shkencëtarët.
“Jam bllokuar në 21 nëntor 2021. Nuk di asgjë për botën”, – tha ajo pasi doli nga shpella. Flamini, 50 vjeçe hyri në shpellë në moshën 48-vjeçare. Ajo e kaloi kohën në një shpellë 70 metra të thellë duke kryer ushtrime, vizatuar dhe duke thurur kapele leshi. Ajo mori 60 libra dhe 1000 litra ujë me vete sipas asaj që raportoi ekipi i saj.
Ajo monitorohej nga një grup psikologësh, studiuesish, speleologësh (specialistë të studimit të shpellave), por asnjë nga ekspertët nuk kontaktoi me të. Pamjet në stacionin spanjoll TVE treguan kur ajo u ngjit nga shpella duke buzëqeshur, përpara se të përqafonte ekipin e saj. Duke folur pak më pas, ajo e përshkroi përvojën e saj si “të shkëlqyer”.
“Unë kam heshtur për 1 vit e gjysmë duke mos folur me askënd përveç meje”, – tha ajo edhe pse gazetarët kërkonin më shumë detaje.
“Kam humbur ekuilibrin, prandaj po më mbajnë. Nëse më lejoni të bëj një dush. Nuk e kam prekur ujin për një vit e gjysmë. Do të shihemi pas pak. Është mirë me ju?” – tha ajo duke bërë shaka.
Flamini u tha më vonë gazetarëve se humbi ndjenjën e kohës pas rreth 2 muajsh.
“Ishte një moment kur më duhej të ndaloja së numëruari ditët”, tha ajo, duke shtuar se mendonte se kishte qenë në shpellë për “midis 160 – 170 ditësh”.
Një nga momentet më të vështira ishte kur pati një pushtim mizash brenda shpellës të cilat e mbuluan të gjithë vendin. Ajo tha se kishte pasur edhe “halucinacione dëgjimore”.
“Ti hesht, por truri i krijon ato,” – tha atletja spanjolle. Ekspertët e kanë përdorur kohën e saj në izolim për të studiuar ndikimin e izolimit social dhe çorientimit ekstrem të përkohshëm në perceptimin e njerëzve për kohën.
Ekipi mbështetës i Flamini tha se ajo ka thyer një rekord botëror për kohën më të gjatë të kaluar në një shpellë, por Rekordet Botërore Guinness nuk e kanë konfirmuar nëse ka një rekord për kohën vullnetare të jetesës në një shpellë.
Guinness kanë përcaktuar si “kohën më të gjatë të mbijetuar të bllokuar nën tokë” atë të 33 minatorëve kilianë dhe bolivianë që kaluan 69 ditë 688 metra nën tokë pas shembjes së një miniere bakri dhe ari në Kili në vitin 2010. ©LAPSI.al
Hi
By way of an introduction, I am a freelance writer and expert contributor for several magazines and blogs. I am presently aiming to build up my online presence, and would therefore, like to offer you to write some expert articles for your blog on lapsi.al (free of charge).
If you are interested, please send me up to five topics that you would like me to cover. It will take me around a week or maybe less to write up the articles.
I look forward to hearing from you. Please ensure that you copy in my personal email in your reply, as sometimes, my work emails tend to go to the spam folder: [email protected]
Kind regards
Nataly Komova
Hi, ego volo scire vestri pretium.