Safet Qarri është ish-zjarrfikësi që u lëndua mëngjesin e sotëm në banesën e tij. Ai ishte duke gatuar kur i shpërtheu bombula. 63-vjeçari kishte marrë një shtëpi me qera në Librazhd.
I lënduari është nisur për në spitalin e djegies plastike në Tiranë, pasi ka djegie në trup. Qarri për shumë vite ka shërbyer në repartin e zjarrfikëses Librazhd dhe Policinë e Shtetit, ndërsa prej disa vitesh ishte pa punë dhe i ishte përkushtuar biznesit privat.